Sare sozialetan azaldu dutenez, joan den maiatzaren 19an, Lamiako Txopoeta Biziriko auzo-taldeak gonbidapena bidali zien Leioako Udalean ordezkaritza duten alderdi politiko guztiei, auzoaren beharrei eta eskaerei buruzko bilerak egiteko. Hiru aste baino gutxiagoan, PPk, EH Bilduk, Podemosek eta PSEk bilera horietan parte hartu zuten. "Gaur egun, oraindik ez dugu EAJren erantzunik jaso; gure gonbidapena zabalik dago", adierazi dute.
Bilera horietan, plataformak egin dituen ekitaldien bildurako herritarren 879 sinadura aurkeztu zizkieten alderdiei, eta honako gai hauek jarri zituzten mahai gainean: paduraren berreskuratze ekologikoa, metroaren lurperatzea, Lamiakoren eta Txopoetaren Barne Eraberritze eta Birgaitze Plan Berezia (BEPB) eta HAPOren berritzeak populazioaren hazkundeari aurre egiteko zerbitzurik ez aurreikustea, auzotarrentzako lokal baten beharra eta Lamiakon etorkizunean egin beharreko jarduketetarako aurreikuspenik eza.
Halaber, taldeak publikoki eskertu du batezko prest egon ziren alderdien elkarrizketarako prestasuna, baita jasotako sinadura bakoitzean islatutako herritarren babesa ere.