Leioan jarduera-eskaintza zabala eta anitza izango da aurten ere, adin eta gaitasun guztietarako egokitutakoa. Ur-jarduerak (igeriketa, aquagym, aqua fitness), gorputz eta buruko ongizaterako saioak (yoga, pilates, luzaketak), jarduera fisiko biziak (xumba, body pump, indoor cycle…) eta gorputz adierazpeneko diziplinak (dantza modernoa, flamenkoa…) jasoko ditu hurrengo ikasturteko programak.
Umeentzako eta helduentzako padel ikastaroek garrantzi berezia izango dute berriz ere, eta maila zein ordutegi ezberdinetan eskainiko dituzte. Era berean, bizitzako etapa guztietarako jarduerak eskainiko dituzte aurten ere, psikomotrizitatetik hasi eta adinekoentzako gimnasia egokitu eta Nordic walking saioetara arte.
Aurrematrikula egiteko epea ekainaren 18an amaituko da, eta izen-ematea aurrez aurre egin daiteke Sakoneta eta Torresoloko instalazioetan, edo posta elektronikoz helbide honetan: uki.atezaintza@leioa.eus. Beharrezkoa izanez gero, plazak esleitzeko zozketa ekainaren 25ean egingo dute, eta behin betiko zerrendak uztailaren 21 eta 22an argitaratuko dituzte. Ikastaroak irailean hasiko dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
