Leioako kirol eta gizarte ekitaldi esanguratsuenetako bat abiatuko dute zapatuan: Leioako Mundialitoa. 24 edizio hauetan, kirola funtsezko tresna izan da pertsona migratzaileen integrazioa sustatzeko eta bizikidetza, aniztasuna eta elkarrekiko errespetua oinarri dituen elkargune bat eraikitzeko. Uda honetan jokatuko duten edizioan, gizonezkoen eta emakumezkoen taldeen artean, 18 selekziok hartuko dute parte.
Hala, ekainaren 28an, zapatuan, 17:00etan hasiko da inaugurazio-ekitaldia, eta, ostean, lehen partidak jokatuko dituzte. Txapelketa bost aste-akabutan jokatuko dute jarraian, gizonezkoen zein emakumezkoen kategorietan. Finalak abuztuaren 2an, zapatuan, jokatuko dituzte Sarrienako zelaian.
Leioako alkate Iban Rodriguez Etxebarriak azpimarratu duenez, "bakoitzaren atzean istorio pertsonalak, kolektiboak, elkarteak eta auzokideak daude, hemen egoteko ahalegina egiten dutenak. Horregatik, Udalak formatu horren aldeko apustua egiten jarraitzen du. Funtzionatzen duela badakigulako eta horrelako espazioak non lehiatzen den, bai, baina batez ere elkarrekin bizitzen gero eta beharrezkoagoak direla uste dugulako. kirola, zalantzarik gabe, kohesio sozialerako tresna bihurtu da, eta hori erabili eta aprobetxatu behar dugu".
Horrenbestez, uztail osoan zehar, parte hartuko duten kultura eta jatorri askotakoak taldeek norgehiagokak jokatuko dituzte udal-instalazioetan horretarako prestatu diren hiru zelaietan.
Aste-akabuko egitaraua
Ekainaren 28a, zapatua
- 17:00etan – Inaugurazio ofiziala
- 17:45etan – Paraguay - Erein (1. zelaia – maskulinoa)
- 19:00etan – Paraguay - Euskadi (1. zelaia – maskulinoa)
Ekainaren 29a, domeka
10:00etatik 14:30era – Partidak hiru zelaietan eta kategoriatan:
- Zelaia – maskulinoa
- Kolonbia - Errumania
- Peru - Ekuatore Ginea
- Senegal - Kamerun
- Atlantic - Maroko
- 2. zelaia – femeninoa
- Santa Cruz - Honduras
- Kolonbia - Peru
- Euskadi - Bolivia
- 3. zelaia – maskulinoa
- Egba Crea - Honduras
- Ekuador - Ginea Bissau
- Ijito Herria - Bolivia