59 urteko Leioako mendizale bat hil zen joan den zapatuan, hilak 5, Hiru Erregeen Mahaian, Ansó udalerrian, bihotz-biriketako geldialdi baten ondorioz, Naiz agerkari digitalak zabaldu duenez.
Guardia Zibilak jakinarazi duenez, 12:50 aldera jaso zuten abisua, eta Jakako Mendiko Erreskate eta Esku-hartze Taldea eta Huescako Aire Unitatea aktibatu zituzten.
Mendizalearen gorpua helikopteroz eraman zuten Jakara, eta hileta-zerbitzuetara transferitu zuten, Naiz-ek zabaldutako informazioaren arabera.
Hildako gizonezkoagaz beste bi lagun zihoazen, Leioako eta Loiuko bizilagunak, egoera onean zeuden, eta Linzako babeslekura eraman zituzten, bertan haien ibilgailua baitzuten.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!