Estalitako frontoia izango da, eta erabilera anitzeko gune bezala ere funtzionatuko du: pilota-jokoak ez ezik, kultura, hezkuntza- eta jolas-jarduerak ere hartuko ditu, auzotarren parte-hartze aktiboa sustatzeko eremu izateko helburua ere baitu.
Proiektuaren baitan, frontoiaren inguruko kanpo-zelaia ere urbanizatuko dute; gainera, aire zabaleko jarduerak egiteko, eta zuhaiztia zabaltzeko lanak ere egingo dituzte, San Bartolomeko ingurunea harmonizatuz: ermita, ikastetxea, haurren jolasgunea eta kulturgunea elkartuko dituen gune integratua izango da, hain zuzen ere. Pilotalekurako sarbidea umeen jolasgunetik egingo da, bide berri baten eta bizikleta zein oinezkoentzako pasabidearen bidez.
Frontoi berri honek 582 metro koadro hartuko ditu, 1.375 metro koadroko lursail batean. Eusko Pilota Federazioaren irizpideak betetzen dituen azpiegitura izango da: 30 metroko luzera, 14 metroko zabalera eta 12 metroko altuera izango ditu, eta 220 ikusleentzako harmaila, mugikortasun urriko pertsonentzako eremu egokituagaz.
Obrak 2025eko azken hiruhilekoan hastea aurreikusi du Udalak da eta 9 hilabeteko iraupena izango du. Guztira, 3,6 milioi eurotik gorako inbertsioa egingo da. Proiektua Leioako Udalaren "Leioa Gurea" 2023-2027 Agintaldi Planaren baitan kokatzen da, udalerriko auzoen lurralde-oreka, berroneratzea eta hiri-garapena sustatzeko estrategiaren barruan, hain zuzen.