Eskaintzak hainbat eremu hartuko ditu: merkataritza handietako biltegi eta eskorga-prestakuntza, elikagaien manipulazioa, bezeroarentzako arreta digitala edo nominak eta gizarte-aseguruak lantzeko ikastaroak. Hazilan eta Lanberri programen bidez, gainera, profil kualifikatuagoak dituzten langabeen enplegagarritasuna indartu gura dute, eta 3R programak berriz, lan-aktibazioa eta gaitasun digitalen birkualifikazioa sustatzen ditu.
Ekintzailetza ere ardatz nagusietako bat izango da: enpresa sortzeko eta kudeatzeko ikastaroak hiru txandatan eskainiko dituzte urte osoan zehar. Horrez gain, IA sortzaileari buruzko prestakuntza berritzailea, marketina eta sare sozialen inguruko ikastaroa edota orga jasotzaileen erabilerarako ziurtagiria lortzeko aukera ere izango da.