Panelek lau ardatz nagusi jorratzen dituzte: industria eta lantegiek auzoaren bizitza ekonomiko eta sozialean izan zuten eragina; paduren eta ibarraren ingurumen-balioa; Gerra Zibilean Lamiakok bere aerodromoagatik izan zuen balio estrategikoa; eta futbolaren memoria, ibarretik Athleticeko futbol-zelaira egindako ibilbide historikoa gogoratuz.
Udalak adierazi du proiektu honek iragana eta oraina lotzen dituela, herritarrei eta bisitariei lurraldearen eraldaketa industrial, sozial eta naturalaren testigantza eskaintzeko. "Panel horiek iraganerako leihoak dira, gure oraina hobeto ulertzen eta gure ingurunea gehiago baloratzen laguntzen digutenak", nabarmendu dute udal-arduradunek.
Ekintza hau Leioako Udalak memoria eta tokiko ondarea berreskuratzeko bultzatutako estrategiaren parte dela ere zehaztu dute, herritarren identitatea sendotzeko eta udalerria beste modu batean ezagutzeko aukera berriak zabaltzeko helburuagaz.