Gutxienez zazpi zuhaitz-kimu apurtu dituzte aste-akabuan Leioako Udalak duela gutxi egokitu duen Lamiakoko itsasadarreko pasealekuan. Iban Rodriguez Leioako alkateak gertatutako gaitzetsi du, eta horrelako ekintza bandalikoak salatzeko deia egin die leioaztarrei.
Gertatutakoa "pentsaezina eta guztiz bidegabea" dela esan du, alkateak. Era berean, horiek suntsitzea ingurumen-kaltea izateaz gain, herritar guztiei ere eragiten diela azpimarratu du, berriro landatzeko kostua Udalak ordaindu beharko baitu.
Alkateak gogorarazi du horrelako ekintza bandalikoak beste batzuetan ere gertatu izan direla udalerrian, hiri-altzariei eraginez edo eraikin publiko eta pribatuetan pintadak eginez; horrenbestez, herritarrei egileak salatzeko deia egin die.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!