Programaren funtsezko ardatza astean behin elkartzen diren solasaldi taldeak izango dira, dinamizatzaile baten gidaritzapean, gutxienez ordubetez euskaraz aritzeko. Gainera, talde bakoitzean erreferentziazko euskaldun bat egongo da. 2014an sortu zenetik, hazten joan den ekimena da, eta azken edizioan 115 lagunek parte hartu zuten guztira, 16 taldetan banatuta.
Izen-ematea urriaren 1etik 31ra bitartean egin daiteke, baina ikasturtean zehar ere parte hartzeko aukera egongo da, taldeetan tokia dagoen bitartean. Parte hartzeko interesa dutenek WhatsAppa 688 850 129 zenbakira, berbaldun.leioa@gmail.com helbidera edo Mastitxu eta Lamia AEK euskaltegietara jo dezakete.