500. urteurrena dela medio, Leioak hamaika ekintza antolatu ditu hurrengo urtean zehar burutuko direnak. Horien artean, gaurkoa, azaroak 14: Udalak Leioako historia ezagutzeko trivial ibiltaria antolatu du.
Udondoko Boulevardera hurbiltzen diren oro jolasaz gozatu ahal izango dute, arrastiko 19:30etik 21:30era. Gainera, zenbait aktorek bertan dauden kuadrillak, familiak eta auzokideak zirikatuko dituzte, giroa piztuz.
Horrez gainera, Leioako Udalak beste ekintza antolatu ditu hilabete osorako; besteak beste, azaroko 23ra arte Leioako 33. Argazki Lehiaketaren erakusketa egongo da Kulturrean. Sari banaketa 21ean izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!