Lehenengo proiektuak, "Auzoko Laguntzaileak", herritarren eta udalaren arteko komunikazioa indartu eta bizikidetza hobetu gura ditu. Bestalde, "Udalerriko ardatz estrategikoak indartzea" programak turismoa, komunikazioa, gizarte-zerbitzuak eta euskara sendotzera bideratutako jarduerak garatuko ditu.
Ekimen hau udalerriko enplegua sustatzeko estrategiaren parte da, lan-merkatuan sartzeko zailtasunak dituzten pertsonei aukera berriak eskaintzeko eta Leioaren garapen ekonomiko eta soziala bultzatzeko xedegaz.
Interesdunek Lanbiden enplegu-eskatzaile gisa izena emanda egon beharko dute eta, euren datuak eguneratu gura izatekotan, Behargintza Leioan egin ahal izango dute. Deialdiak eta komunikazio guztiak Udaleko iragarki-oholean zein webgunean argitaratuko dira. Eskaintzak dagoeneko ikusgai daude Lanbideren webgunean.