Plataforma berri honetan argitaratutako datuen arabera, orain arte Agintaldi Planaren betetze-maila % 70ekoa da. Aurreikusitako 70 ekintzetatik, 30 osorik gauzatu dira. Horrez gain, 16 proiektu oso aurreratuta daude eta laster amaitzea espero da. Aldiz, 5 proiektu garapenaren erdiaren inguruan daude eta beste 19 hasierako faseetan.
Amaitutako ekintzen artean, nabarmentzekoak dira Leioa Auzoetan partaidetza-prozesua, ludoteka berria, Berdintasunerako Plan berria edo osasun fisiko eta mentala prebenitzeko eta hobetzeko programak abian jartzea. Aldiz, Lamiako-Txopoetaren Plan Integrala, Gazteriaren Udal Kontseiluaren sorkuntza edota Mugikortasun Iraunkorreko Plan berri baten garapenaren proiektuak oso aurreratuta daude une honetan.