Leioako Udalak Merkataritza Ibilbideen edizio berria martxan jarri du. Ekimen honek ibilbide irekia eta parte-hartzailea proposatzen du, tokiko dendak herritarrei beste ikuspegi batetik ezagutarazteko. Aurten 21 denda parte hartuko dute ekimenean, auzoka diseinatutako ibilbidetan banatuta.
Lehenengo ibilbidea abenduaren 12an, barikua, Lamiakon hasiko da eta Erromo, Artaza eta Boulevard guneak bisitatuko ditu. Egun eta ordu berean, bigarren ibilbidea Luis Bilbao Libano eta Sabino Aranatik abiatuko da, jarduera komertzialeko eta zerbitzuko espazio tradizionala zeharkatuz.
Abenduaren 19an, barikua, Iparragirre etorbidea zeharkatzen duen ibilbidearen txanda izango da. Honetan, merkataritza jardueraz gain, Leioako ardatz nagusiaren hiri-hazkundeari helduko zaio. Azkenik, Boulevard, Sabino Arana eta Estartetxe kaleko saltokiak izango dira ibilbide honen protagonistak.