Zapatu honetan, abenduak 13, herritarrek Lamiakoko ibarra eta Astrabuduako hezegunea berriro elkarri lotzeko beharra plazaratzeko aukera izango dute. Ekologistak Martxan Bizkaia, Herri Bideak Kate Bartk eta Lamiako Txopoeta Bizirik taldeek informazio-saio irekia antolatu dute Leioako bulebarrean, “Piruli” ondoan, eguerdiko 12:00etatik aurrera.
Jendeari modu ulerterrazean azaltzea zergatik den garrantzitsua bi gune natural horien arteko pasabidea indartzea da talde eragile hauen helburu nagusietako bat, bertako biodibertsitatea zaindu eta ibaiaren zein hezegunearen ekosistemak babestu ahal izateko. Antolatzaileek, gainera, oinez edo bizikletaz hurbiltzeko animatu dute jendea, ingurumenarekiko errespetua eta mugikortasun jasangarria uztartuz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!