Leioako herritarrek "500 Taupada" kanpainan parte hartzeko aukera izango dute txartelak hainbat saltokietan eta gune desberdinetan erosiz. Saltzen diren txartel guztiak bost saskiren zozketan parte hartuko dute, tokiko saltokietan erositako produktuekin osatutakoak.
Urtarrilaren 2an, 12:00etan, saskien zozketa egingo da Kultur Leioako erakusketa aretoan. Bertan, irabazleak jakinaraziko dira eta urtarrilaren 3an, Kultur Leioako auditorioan, txekea eta saskiak bananduko dira irabazleentzat.
Iban Rodriguez alkateak azpimarratu duenez, "Leioako gauzarik baliotsuena bertako pertsonak gara, eta gure arteko eskuzabaltasuna ezinbesteko ezaugarria da gure herriarentzat. Leioaztarrok osatzen dugun sareak balio ikaragarria du".
Txartelak erosteko guneak
Abenduaren 14an, Nekazaritza eta Abeltzaintza Azokan, 500 Truck karabanan erosteko aukera izango dute herritarrek. Abenduaren 24an, Kultur Leioan egingo den Olentzerori harreran ere erosi daitezke. Gainera, Leioako Saltoki Batuen Elkartearen laguntzari esker, herriko saltokietan ere eskuragarri egongo dira txartelak.