Zenbakia goizeko 09:53an abestu dute Madrilen, eta Estatuko hainbat tokitan banatu dute. Horien artean dago Artea merkataritza-guneko administrazioa, serie bat esleituta zuena.
Momentuz irabazleak iragarri ez diren arren, administrazioko arduradunek poza azaldu dute saria saldu izanagatik. Gainera, azken egunotan sentitzen zuten presioa arindu dela aitortu dute, iaz eta 2023an sari garrantzitsuak banatu ostean sortutako itxaropenagatik. Hala ere, baikor agertu dira, eta Gabonetako zozketan sari gehiago banatzeko aukera dutela uste dute oraindik.