Egitaraua Urte Berriko Kontzertuagaz hasiko da, Leioako Musika Bandaren eskutik, eta hortik aurrera askotariko ikuskizunak iritsiko dira: antzerki garaikidea eta soziala, umorea, zirkoa, bertsolaritza eta familientzako emanaldiak. Euskal sortzaileek protagonismo berezia izango dute, baina estatuko eta nazioarteko obrak ere bertan egongo dira, ikuspegi zabal eta aberatsa eskainiz.
Aurkezpenean, Iban Rodríguez Etxebarriak azpimarratu du kulturak egunerokoan duen balioa, eta helburua kultura herritar guztiengana hurbiltzea dela, adin eta gustu guztietarako aukerak eskainiz: "Kultura gure herriarentzako zutabe funtsezkoa da eta Leioako pertsona guztiek horretaz gozatu dezatela nahi dugu".
Zinemak ere bere tokia izango du hiruhilekoan; izan ere, Zine Forum Perseo saioak, asteburuetako proiekzioak eta haur zein familientzako zinema uztartuko dira, baita mendiagaz lotutako ziklo bereziak ere.