Txekearen entrega joan den zapatuan, urtarrilaren 3an, egin zen, Leioako Udal Musika Bandak Kultur Leioako Auditoriumean eskaini zuen Gabonetako kontzertuan. Leioako alkateak, Iban Rodriguezek, txekea Leioan SolidariUP proiektua garatzen duen Zabalketa Gobernuz Kanpoko Erakundeko ordezkariari, Paula Martinezi, eman zion.
Ekimenari esker bildutako dirua egoera zaurgarrian dauden pertsonei laguntzeko bideratuko da. Gainera, parte-hartzaile guztien artean tokiko merkatarien produktuekaz osatutako bost saski zozkatu ziren, eta sariak ekitaldi berean banatu zitzaizkien irabazleei.
SolidaridUP Leioa, Zabalketa erakundearen eskutik, 2019ko abenduan sortu zen, Leioan egoera zaurgarrian dauden pertsonen inklusioa, duintasuna, ongizate integrala eta eskubideak sustatzeko helburuagaz. Martxan jarri zenetik, Leioako 41 merkataritza eta establezimenduk parte hartu dute ekimenean, produktuak, zerbitzuak edo ezagutzak partekatuz.