Proiektuak Umore Azoka 2026 du helmuga, baina bidea bera izango da garrantzitsuena talde-lana, esperientziak partekatzea eta artearen bidez etorkizuna irudikatzea izango baitute zeregin moduan.
Leioako Udalak jarri du martxan ekimena, La Chivata Teatro konpainiagaz batera, eta 15 eta 26 urte bitarteko gazteei zuzenduta dago. Parte-hartzaileek hainbat hilabetetan zehar tailer eta sormen-saioetan murgilduko dira, euren istorioak aletu, herrian bizitakoa aztertu eta nolako Leioa gura duten irudikatzeko. Antolatzaileek nabarmendu dute ez dela ikastaro itxi bat, baizik eta elkarregaz espazio irekia sortzeko aukera baizik, gazteen begirada ardatz duena.
Prozesuaren emaitza Umore Azoka 2026ren barruan aurkeztuko da jendaurrean.
Era berean, egutegia gazteen erritmora egokitzeko pentsatuta dago: otsailean, martxoan eta apirilean asteburu bateko saioak egingo dituzte hilero, eta maiatzean aste intentsibo bategaz borobilduko dute lana. Bidean, La Chivata Teatroko sortzaileek euren laguntza eskainiko dute une oro, sorkuntza komunitarioan eta gazteekaz egindako proiektuetan duten esperientzia ekarriz.
Gura izatekotan, izena emateko epea zabalik dago otsailaren 18ra arte. Horretarako online formularioa bete beharko da, eta informazio gehiago eskuratu daiteke lachivatateatro@gmail.com helbide elektronikoaren bidez edo 685 780 941 telefonora WhatsApp bat bidalita.