Leioak ere gogoz hartu du 24. Korrika, eta euskararen aldeko festak giro ederra utzi du herriko kaleetan!
Herritar ugari batu dira lekukoa eskuz esku eramatera, ilusioa, emozioa eta konpromisoa partekatuz. Familian, lagunekaz, bakarrik...Korrikak jendetza bildu du udalerrian.
Hona hemen Leioan bizi izan diren une berezi horietako batzuk: irribarreak, besarkadak, aldarriak eta euskararekiko maitasuna. Izan ere, Korrika ez da soilik lasterketa bat; herria elkartu eta euskararen alde arnasa ematen duen ekinaldia ere bada. Eta hori Leioan oso argi dute!
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!