Leioako kaleek berriro hartu dute Umore Azokaren erritmoa. Antzerkia, zirkoa, dantza, umorea, musika eta sorkuntza garaikidea elkartu dira egunotan, herriko txokoak oholtza bihurtuta eta ikusleak ikuskizunen parte eginda.
Kaleko arteen azokak giro berezia sortu du beste behin: une harrigarriak, irribarreak, emozioak eta publikoaren gertutasuna izan dira nagusi. Izan ere, hori da Umore Azokaren xarma: artea kalera ateratzea eta ikusleakaz zuzenean konektatzea.
Hitzorduak argi utzi du kaleko arteek bizirik jarraitzen dutela, eta espazio publikoak sormenerako, topaketarako eta gozatzeko leku bihur daitezkeela. Leioan, egun batez baino gehiagoz, kaleak antzoki handi bilakatu dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!