Jon Albisu Leioako PPko bozeramailearen esanetan, 543 milioi euro inguruko aurrekontua eta sei urtetik gorako exekuzio-epea izango dituen azpiegitura batek "ezin du gardentasunik eta etengabeko komunikaziorik gabe aurrera egin". Haren ustez, batzorde horrek obren bilakaeraren berri emateko eta eragindako auzotarrek informazio zuzena jasotzeko balioko luke.
PPren arabera, obrek inguruko auzoetan eragin handia izango dute; besteak beste, berdeguneetan, zuhaitzen mozketan eta leherketen erabileran. Gainera, kezka erakutsi dute Artaza-Romo BHIren egoeragatik; izan ere, alderdiaren esanetan, ikastetxeko patioa obren eremutik gertu dago, eta zarata-mailak 85 dezibeliora irits daitezkeela aurreikusten dute, hezkuntza-ingurune baterako gomendatutako mugak gaindituz.
Alderdi Popularraren ekimenak bat egiten du azken hilabeteotan hainbat eragilek azaldutako kezkakaz. Izan ere, Subflubiala Ez plataformak denbora darama Lamiakoko itsasadarraren azpiko tunelaren proiektuaren gardentasun falta, ingurumen-inpaktua eta auzotarrengan izango dituen ondorioak salatzen, baita informazio gehiago zein herritarren parte-hartze handiagoa eskatzen ere.
Alderdi Popularrak uste du gaur egun Aldundiak ematen duen informazioa ez dela nahikoa, eta, horregatik, herritarren parte-hartzea zein erakundeen arteko koordinazioa indartuko dituen jarraipen-organo iraunkor bat sortzea eskatu du, obra osoan zehar sor daitezkeen gorabeheren berri emateko.