Liburutegi txiki horiek Pinosolon, Zarragabarrenan, Aldapabarrenan, San Bartolomen, Arrienan eta Mendibilen daude. Helburua herritarrek naturaz gozatzen duten bitartean irakurtzeko aukera izatea da.
Ekimenaren funtzionamendua erraza da: interesatzen zaizun liburua hartu, parkean edo berdegunean irakurri eta, amaitutakoan, berriro liburutegian uztea, beste norbaitek ere irakur dezan.
Horrez gain, Udalak herritarrak animatu ditu etxean erabiltzen ez dituzten baina egoera onean dauden liburuak aire zabaleko liburutegi horietara eramatera. Horrela, beste irakurle batzuen esku jarriko dituzte, liburuen berrerabilera eta irakurketaren zabalkundea sustatuz.
Ekimenaren bidez, Udalak irakurketa aisialdia zein naturguneakaz uztartu gura du, herriko parkeak udan ere kulturarako topagune bihurtuz.