Auzokoak, inguruko leioaztarrak, familiak, gazteak zein nagusiak elkartu dira egunotan San Bartolomeko jaietan. Izan ere, urtero hutsik egiten ez dutenak asko dira, eta batzuek dagoeneko erdi auzokotzat dute euren burua.
Umeen ekintzetatik hasi eta marmitako txapelketara, adin eta gustu guztientzako tartea dago egitarauan. Bertaratutakoek gauza bera azpimarratu dute behin eta berriz: jai herrikoiak, hurbilekoak eta familiartekoak dira, eta giro ona da euren sekreturik handiena.
Lehenengo eguneko nekeari aurre eginda ere, jaiak ez dira oraindik amaitu eta askok badute datozen egunetan berriro bueltatzeko asmoa!
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!