Aldaketa horregaz, lanegunetan, 21:00etan amaitu beharrean, 00:00etan amaituko da aparkaleku arautuaren zerbitzuaren ordutegia. Udalak adierazi duenez, auzokideekaz egindako bileretan, aparkatzeko zailtasunak nabarmendu ziren, batez ere, arrastiko eta gaueko tartean; beraz, erabakia euren eskaerei erantzuteko asmogaz hartu dela azaldu du Udalak.
Ordutegiaren luzapen horregaz, Udalak aparkaleku arautuko plazak erabiltzeko orduan egoiliarren lehentasuna indartu nahi duela adierazi du; horrela, egunaren azken orduetan ere etxebizitzatik gertu aparkatzeko aukera erraztuz. Hori dela eta, irailaren 1etik aurrera, TAO zerbitzua astelehenetik ostiralera 09:30etik 13:30era eta 16:00etatik 00:00etara egongo da indarrean; larunbatetan, berriz, egungo ordutegia mantenduko da: 09:00etatik 13:30era.
Gainera, Udalak aitortu duenez, ekimen hau "Leioako mugikortasuna hobetzen jarraitzeko eta herritarrek planteatutako beharrei neurri zehatzen bidez erantzuteko udal-konpromisoaren barruan kokatzen da, auzoetako bizi-kalitatea hobetzen lagunduz".