Urtero bezala, Leioako Udalak herriko emakumeak lehen lerrora ekarriko ditu egutegiaren bidez. Edizio bakoitzean esparru bati erreparatzen dio; aurreko urteetan, besteak beste, kirolean eta ekintzailetzan aritutako emakumeak izan dira protagonista, eta aurten zientziaren eta teknologiaren txanda izango da.
Egutegiaren bidez, arlo horietan lan egiten duten emakumeen ibilbideak eta ekarpenak ezagutarazi gura dituzte, eta, aldi berean, belaunaldi gazteenei gertuko emakume erreferenteak erakutsi. Horretarako, Leioakoa izan edo udalerrian bizi eta zientziagaz edo teknologiagaz lotutako esparru batean profesionalki lan egiten duen edozein emakumek parte hartu ahal izango du.
Egutegian agertu gura dutenek euren datuak eta harremanetarako telefono-zenbakia edo helbide elektronikoa bidali beharko dituzte berdintasuna@leioa.eus helbidera, urriaren 6a baino lehen.