Udalaren arabera, desbideratze hori, Soplador biribilgunea erreferentziatzat hartuta, behin betiko zirkulazio-antolamendurako aurreikusitako puntua baino lehenago kokatuko da.
Antolamendu hori behin-behinekoa izango da; eta, obrak amaitutakoan, kalean bi noranzkoetan zirkulatu ahal izango da, proiektuan aurreikusitako behin betiko antolamenduaren arabera. Bestalde, aparkalekuei dagokionez, berrurbanizazio-lanak amaitutakoan, obrak hasi aurretik baino aparkaleku gehiago egongo direla azpimarratu du Udalak.
Lanak EARLE proiektuaren barruan kokatzen dira: Leioako Lamiako auzoan gauzatzen ari diren hirigintza- eta berrurbanizazio-lanen egitasmoaren barruan, hain zuzen ere. Beraz, obren helburua oinezkoentzako espazioari protagonismo handiagoa emango dion kale-eredu baterantz aurrera egitea dela ere azpimarratu du.