Txorierri eta Lamiako auzoen arteko joan-etorriak errazten dituen igogailua erabilgarri dago berriro. Leioako Udalak konponketa-lanak amaitu dituztela jakinarazi du eta, beharrezko egiaztapen teknikoak egin ostean, igogailuak ohiko zerbitzua berreskuratu duela.
Matxura igogailuaren motorrean zegoen, eta hura konpontzeko Alemaniatik ekarritako osagai espezifikoak behar izan dituzte. Horrek konponketa-epeak luzatu ditu, Udalak azaldu duenez. Behin lanak amaituta, Txorierri eta Lamiako arteko lotura berrezarri dute, auzotarren eguneroko joan-etorriak errazteko.
Igogailua geldirik egon den bitartean, Udalak behin-behineko autobus-zerbitzua jarri du martxan, erabiltzaileen mugikortasuna bermatzeko eta matxurak eragindako eragozpenak arintzeko. Orain, igogailua berriro erabilgarri dagoenez, ordezko garraio-zerbitzua amaituko dute. Hala ere, autobusak urriaren 25era arte, domeka barne, martxan jarraituko du.