Gaur da Lemoizko euskarazko udalekuetan izena emateko azken eguna

Eskolaren kanpoaldean egingo dituzte udalekuak.

Euskarazko udalekuak antolatuko ditu Lemoizko Udalak, beste urte batez. Horien helburua da udalerriko ume eta gaztetxoen aisialdian eta esparru ez-formalean euskararen erabilera handitzea. Udalekuok ekainaren 26tik uztailaren 14ra bitartean izango dira, 09:00etatik 14:00etara, Lemoizko eskolaren kanpoaldean; euria egiten duenean Urizarreko gelan edo frontoian egingo dira. Horietan parte hartzeko izen-emate epea gaur, hilaren 12an, bukatzen da.

Askotariko ekintzak egingo dituzte bertan, berbarako sukaldaritza-tailerrak, margolaritza-tailerrak eta irteerak. Horietan parte hartzeko interesa dutenek aldez aurretik izena eman beharko dute, hilaren 12a baino lehen. Horretarako, interesdunek Armintzako kultur etxeraino hurreratu beharko dute. Udalekuak talde bitan banatuta egongo dira: 3 eta 5 urte artekoen taldea, eta 6 eta 12 urte artekoena. Guztira eskainiko dituzten 40 lekuak adin-tarte bi horien artean banatuko dituzte.