Lemoizko Euskara Sustatzeko Ekintza Plana (ESEP) 2018tik 2021era bitartean egongo da indarrean; horrenbestez, lemoiztarrek orain egin beharko dizkiote planari ekarpenak. ESEPk hiru esparru nagusi dauzka, honako hauek: Euskararen jabekuntza edo ezagutza, Euskararen erabilera eta Euskararen elikadura; horietako bakoitzak hainbat atal dauzka. Horien inguruko proposamenak eta ekarpenak posta elektronikoaren bidez jasoko dituela adierazi du Mankomunitateko Euskara Zerbitzuak.
Besteak beste, Euskara Zerbitzuak euskara-planak diseinatzen ditu Uribe Kostako Zerbitzu Mankomunitatea osatzen duten hainbat herritan; hau da, Barrikan, Gorlizen, Lemoizen, Plentzian, Sopelan eta Urdulizen. Euskara Zerbitzuari dagokionez, Berango ez dago horren barruan.