Kirolak  Lemoiz 2017-10-06 18:03

Etzandarri euskal mendi-taldeko gaztetxoek Ganekogorta mendia igoko dute domekan

Gaztetxoen artean euskararen erabilera bultzatzeko helburua duen Etzandarri mendi-taldeak neska-mutilakaz irteera berria prestatu du domeka honetarako, urriak 8. Interesdunek 688 602 121 (Marian) telefono-zenbakira deitu dezakete izena emateko. Txangoa Armintzako autobus-geltokitik irtengo da goizeko 09:45ean. Laudioko Santa Luziatik Ganekogorta (999 metro) gainera igoko dira. Buelta 17:00etan egingo dute.

Etzandarri euskal mendi-taldeko gaztetxoek Ganekogorta mendia igoko dute domekan
Artaunganera egin zuten azken irteera. © ETZANDARRI | Ikusi handiago | Argazki originala

Umeak eta nagusiak dute inskribatzeko aukera, baina Etzandarritik gogora ekarri dutenez, izena-eman aurretik komeni da arauak ondo irakurtzea:

  • Umeen artean Euskararen erabilera bultzatzeko ekintza bat da. Beraz, nagusientzako oharra: etortzeko euskara ondo jakin behar da, euskara hutsean arituko baitira irteera osoan.
  • Umeak aurretik apuntatu behar dira, irteera ondo prestatzeko.
  • Etorriko zareten guraso euskaldunak ere apuntatu behar zarete eta zenbat plaza dauzkazuen komunikatu behar duzue.
  • Irteera doakoa da.
  • Eguraldi txarra eginez gero, irteera bertan behera geldituko da.

Umeek eroan beharrekoak

  • Motxilatxo bat bere janariagaz, forru bat eta zira edo txamarra bat.
  • Mendiko botak.
  • Poltsa bat zapatila pare bategaz eta aldatzeko arropagaz bueltarako.

2017/10/08 09:45

Armintzako autobus geltokia Lemoiz

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa