Gabonetako negulekuak antolatu ditu Lemoizko Udalak aurten ere. Abenduaren 26an, 27an, 28an eta 29an eta urtarrilaren 2an, 3an, 4an eta 5ean izango dira saioak, 09:00etatik 14:00etara. 3 - 5 eta 6 - 12 urte arteko neska-mutilek parte hartu ahal izango dute; leku-kopurua 20 lagunera mugatuta dago. Negulekuetan izena eman gura dutenek azaroaren 24ra arte izango dute aukera, Armintzako kultur etxean.
Arduradunek azaldu dutenez, bertako eta inguruetako herrietako umeek parte har dezakete egitasmo horretan; hala ere, Lemoizko neska-mutilek lehentasuna izango dute. Lemoizen erroldatutako umeek 20 euro ordaindu beharko dituzte; ostera, gainerakoentzako prezioa 40 eurokoa izango da. Dena dela, kasu bietan, deskontuak egongo dira familia ugarientzat eta oinarrizko errenta dutenentzat.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!