Astelehenean irekiko dute berriro Lemoizko kiroldegia, urtarrilaren 29an. Udalak 80.000 euroko inbertsioa egin du azpiegitura hobetzeko.
Lemoizko Udalak jakinarazi duenez, datorren astelehenean, hilaren 29an, zabalduko dute berriro gimnasioa. Instalazioak hainbat astez itxita egon dira, teilatua berritzeko lanak direla eta. Hala, harpidedunei diruaren zati proportzionala itzuliko die Udalak.
Proiektu honetan, 80.000 euroko inbertsioa egin dute, "herritarren bizi kalitatea hobetu nahian eta herriko azpiegiturak onera egiteko".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!