Txarto aparkatuta dauden autoei isunak jarriko dizkie Ertzaintzak Lemoizen

Lemoiz udalerriko Urizar auzoa.

Lemoizko Udalak jakinarazi du apirilaren 27tik aurrera Ertzaintzak isunak jarriko dizkiela txarto aparkatuta dauden ibilgailu denei, txakurrak lotu barik edo animalion gorozkiak jasotzen ez dituzten jabeei eta, azken batean, "gizalegezkoak ez diren jokabideak dituzten pertsonei".

Udalak zabaldutako ohar baten arabera, gero eta kezka handiagoa dago udalerrian txarto aparkatutako ibilgailuengatik, lokabe dauden txakurrengatik eta gizalegezkoak ez diren zenbait jokabiderengatik. Izan ere, hainbat kexa eta salaketa jaso dira gai horri buruz.

Egoera horren aurrean, Udalak Udaltzaingorik ez duela eta, bilera egin du Ertzaintzako arduradunakaz, eta ezagutzera eman die zein den Lemoizko problematika hori, udaldia heltzean areagotu litekeena.

Horiek horrela, bando baten bidez, herritar guztiei eman zaie apirilaren 27tik aurrera Ertzaintzak isunak jarriko dizkiela txarto aparkatuta dauden ibilgailu guztiei, txakurrak lokabe dituzten edo animalion gorozkiak jasotzen ez dituzten jabeei eta, azken batean, gizalegezkoak ez diren jokabideak dituzten pertsonei.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun