Armintzako instalazio eoliko berria eraikitzeko plana aurkeztuko dute aste honetan

Kerman Santiago Alkorta 2019ko api. 2a, 12:20

HODEI TORRES

Itsasoaren baldintzak egiaztatuko ditu Eusko Jaurlaritzak txosten baten bidez aste honetan, WindEurope Conference & Exhibition azokan, BECen. Haize-erroten bidezko plataforma eoliko berria urrian eraikitzen hasiko dira.

Arantxa Tapia Ekonomiaren Garapena eta Azpiegituretako Sailburuak adierazi du “gure erronka” dela Euskadi munduan kokatzen jarraitzea: “Energia propioa sortu behar dugu efizienteago izan nahi badugu ekonomikoki eta ingurugiroarekiko”.

Energia eolikoa lortzen duten instalazioak lehorretik uretara pasatzea helburu dutela adierazi du David Carrascosak, Saitec enpresaren zuzendari teknikoak: “Haize-errotak ez ditugu zimenduen bidez jarriko, ur gaineko plataforma eraikiko dugu, kate eta ainguren laguntzaz”.

18 metro eta 50 tona izango ditu Armintzako plataforma berriak. Urrian ekingo diote eraikitzeari, eta hurrengo urtean amaituta egongo dela adierazi du Carrascok.

Ingurumena Lemoiz

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun