Aurtengo ikasturterako ikastaro eta tailerretan izena emateko epea zabaldu du Lemoizko Udalak, irailaren 23ra arte.
Izen-emateak Kultur Etxean egin beharko dira, irailak 23 baino lehen. Horretarako, hainbat aukera ireki dituzte arduradunek: bulegora bertaratuta, astelehenetik barikura, 16:30etik 20:00etara; 946 879 037 telefono zenbakira deituta; edo lke@lemoiz.eus helbide elektronikora idatzita.
Askotariko eskaintza prestatu dute oraingoan, nagusi zein gaztetxoentzako, hala nola tai xia, zumba, yoga, pilates, informatika, gimnasia...
Eskaintza osoa ikusteko sakatu hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!