Ukrainaren aldeko kirol saio solidarioak egingo dituzte domekan Armintzan

Erabiltzailearen aurpegia Iker Rincon Moreno 2022ko martxoaren 9a

Artxiboko irudia.

Lemoizko Udalak antolatuta, yoga, kung fu eta tai xi klase solidarioak egingo dituzte domekan, hilaren 13an, Armintzako frontoian. Horren helburua da Ukrainako herriari laguntzeko dirua batzea; horretarako, saiootan parte hartzeko, bost euro ordaindu beharko dituzte helduek, eta umeentzako sarrera bi eurokoa izango da.

Lemoizko Udalak, Kultur Etxean Yoga eskolak ematen dituen pertsonarekin elkarlanean, yoga, kung fu eta tai xi klase solidarioak antolatu ditu, ukrainar herriari bidaltzeko dirua biltzeko. Tailerra martxoaren 13an, domekan, izango da Armintzako frontoian. ordutegia hurrengoa izango da:

  • Yoga: 10:00-11:15
  • Kung fu (umeentzako): 11:15-12:00
  • Tai xi: 12:00-13:00

Dohaintza bost eurokoa izango da helduen kasuan, eta bi eurokoa umeenean. Dohaintza eta inskripzioak Kultur Etxean egin beharko dira barikua baino lehen. Dohaintza libreak ere onartuko dira (Kultur Etxea).

Bildutako dirua Gurutze Gorriaren kontu batean sartuko da eta errefuxiatu ukrainarren beharrak asetzeko erabiliko da.

Kirolak Lemoiz
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun