Lemoizko Udalak kale-izendegia aldatu du kokapenak eta zerbitzuen kudaketak errazteko

Seinaleztapen berria. © LEMOIZKO UDALA

Iragan abenduko osoko bilkuran onartu ondoren, Lemoizko Udalak udalerriko kale-izendegiaren zati bat berrizendatzeko prozesua abiatu du, "zalantza gehien sortzen zituzten helbideak errazago aurkitzeko eta, horrela, zerbitzuen kudeaketa optimizatzeko".

Orain arte Andrakas auzoa 3 Bis izeneko auzoneagaz hasi dute berrizendapen-prozesua. Azaldu dutenez, inguru horrek zalantza ugari sortzen zituen zerbitzuak gauzatzeko orduan, "eta kexa ugari jaso dira auzokideen aldetik". Udalak eskari horri erantzun gura izan dio, eta dagokion administrazio-prozesuaren ondoren, nomenklatura sinplifikatu du.  Aurrerantzean Landeta kalea izango da, eta 1etik 52ra zenbatuko dira. Udalak doan emango dizkie zenbakiak bizilagunei.

Iñaki Alonso alkateak adierazi duenez, “aldaketa horien bidez laguntza-zerbitzu garrantzitsuen etorrera erraztu eta hobetu nahi dugu, hala nola larrialdiena, anbulantziena, suhiltzaileena edota Ertzaintzarena, baita paketeak jaso edo entregatzekoa, posta-zerbitzuena, etab”.

Udala aztertzen ari da antzeko egoeran dauden beste eremu batzuk berrizendatzea. Horregatik, prozesu horrek arazo bera pairatzen ari diren beste inguru batzuekaz jarraituko du. Era berean, alkateak gogorarazi du seinaleztapen-lan horiek aprobetxatuz, Udalak landa-bideen bidegurutzeetako seinaleak indartu dituela Urizar eta Andraka auzoetan.

Era berean, oinezkoentzako pasabide berri bat jarri da Urizarren segurtasuna hobetzeko, LED teknologiadun argi-islagailu berriak dituena. Baliza horiek Armintzako auzoan hondartzara sartzeko dagoen oinezkoen pasabidean ere ipini dira. 

Jarduera horiek guztiek 10.165 euroko inbertsioa suposatu dute.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun