Armintzan bizikletak garbitzeko puntu bat jarri du Lemoizko Udalak

Bizikletak garbitzeko puntu berria Armintzekalde kalean dago kokatuta. © LEMOIZKO UDALA

Armintza inguruan dagoen txirrindulari kopuru handia dela eta, Lemoizko Udalak bizikletak garbitzeko zerbitzu berri eta praktikoa jarri du Armintzakalde kalean, Gasituaserako sarreraren parean. Guztira, Udalak 4.386 euro bideratu ditu proiektu horretarako.

Instalazio berriak plataforma bat dauka, bizikleta erraz eta eroso eusteko gailu bategaz; horretaz gain, presiozko ur-pistola bat eta hainbat eskuila ditu, erabiltzaileak pilatutako zikinkeria kentzeko. Proiektu hau gauzatu ahal izateko, Udalak 4.386 euro bideratu ditu, zalantzarik gabe txirrindulariek herrian dituzten erosotasun eta aukerak hobetuko dituztenak. Zerbitzu berria doakoa izango da eta eguneko 24 orduetan egongo da erabilgarri.

"Eremu honetan gero eta gehiago jende mugitzen da bizikletaz. Uste dugu garbiketa-puntu honek oso harrera ona izango duela. Askok eskertuko dute bizikletaz ibilbide polit bat egin ostean etxera bizikleta garbiarekin iristea. Era berean, zerbitzua zuzen eta arduraz erabiltzea espero dugu”, nabarmendu du Iñaki Alonsok, udalerriko alkateak.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun