Frantziako Tourra dela eta, uztailaren 1ean, zapatuan, BI-3151 errepidea itxita egongo da Gorliz-Armintza-Bakio noranzkoan, goizeko 10:30etik 15:00etara. Errepide-mozketa horrek Armintza auzoari eragingo dio batez ere, izan ere, denbora tarte horretan isolatuta geratuko da. Hala ere, Lemoizko Udalak jakinarazi duenez, larrialdi-zerbitzuek edozein larrialdi koordinatuko dute 112 zenbakian.
Errepide-mozketez gain, ekainaren 30ean, barikuan, eta, uztailaren 1ean, zapatuan, Lemoizen ekitaldia amaitu arte, debekatuta egongo da Amorraga eta Armintzekoalde kaleetan aparkatzea, ibilbidea igarotzen den tokitik, baita errepidetik gertuen dauden hiru plazetan ere, hondakin-uren araztegian. Lemoizko Udalak aparkaleku debekuaren guneen planoa erantsiko dute aurrerago.
Gainera, ibilbidean zehar dauden zabor-edukiontziak ekitaldiaren aurreko egunetan kendu eta Armintza auzoan birkokatuko dituzte. Halaber, hurrengo egunetan jarriko dituzte berriro ere euren jatorrizko kokalekuan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
