Obrari dagokionez, hobekuntzak fatxadaren birgaitzean oinarrituko dituzte. Hala, Armintzako kontsultategiko kanpoko itxitura-hormak eraitsiko dituzte -beheko solairuan daudenak- berriro ere horiek eraikitzeko. Modu horretan, fatxada konponduko dute, ur-iragazketen arazoakaz bukatzeko asmoz. Lan horiek amaitu ondoren, lokala barrutik egokituko dute, egindako lanek kaltetu ditzaketen sabai faltsuei, klimatizazioari eta zonak berregokitzeari dagokienez.
Lemoizko Udalak 118.825 euroko inbertsioa egin du kontsultategia birgaitzeko. Jardueraren helburu nagusia da fatxada konpontzea, modu horretan, ur-iragazketen arazoak saihesteko. Uda osoan zehar luzatuko direnez birgaitze-lan horiek, kontsultategi hori itxita egongo da obrak amaitu arte. Hala, mediku-kontsula guztiak Urizarko kontsultategian erantzungo dituzte, Lemoizko udaletxean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun