Hilabeteotan Bilbon eta inguruetan filmatzen ari diren Detective Touré telesailak Lemoizera egingo du salto datorren astean, eguaztenean. Hala, produkzio-taldeko kideek HIRUKAri jakinarazi diotenez, Armintzatik Bakiora doan BI-3152 errepidean zirkulazioa etengo dute 09:00etatik 21:00etara.
Telesaila Jon Arretxe idazlearen eleberrietan oinarrituta dago, eta Bizkaiko hainbat lekutan grabatzen ari dira. "Beraien artean, 5. eta 6. kapituluetarako lokalizazioetan Jon Arretxek berak bere bizitzan disfrutatu dituen paisaia zoragarriak grabatuko ditugu", zehaztu dute arduradunek, tartean, Lemoizen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!