Gaztetxoen artean euskararen erabilera bultzatzeko helburua duen Lemoizko Etzandarri mendi-taldeak beste irteera bat prestatu du domeka honetarako, hilaren 22rako. Txangoa Armintzako autobus-geltokitik irtengo da goizeko 09:30ean, Gorbeiako parke naturaleko ingurunea ezagutzeko asmoz. Bertan, Ipargorta (1235m) , Arranoatx (1245m) eta Gorosteta (1259m) mendiak igoko dituzte. Ibilaldia Belauztegin hasiko dute, eta Austingarmingo saroia zeharkatuz Ipargorta igoko dute lehenago lehenengo eta jarraian Arranoatx eta Gorosteta tontorrak egingo dituzte.
KATEGORIA: Mendizaletasuna.
ZAILTASUNA: Erraza-ertaina: Lapiaz arteko bidea Arranoatx eta Gorosteta gailurretarako azken
metroetan.
DISTANTZIA: 10 kilometro.
NOIZ: Urriak 22.
NON: Armintzako bus geltokian.
ORDUA: 09:30ean Armintzan.
Izena emateko: 688 602 121 (Marian).
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!