Alde batetik, 14 urtetik beherakoentzako ibilbide laburra, Armintzako herriguneko kaleetan zehar bakarrik egingo da: 6 urtetik beherakoek zehaztutako 325 metroko ibilbideari itzuli bakarra egin beharko diote; 7 eta 13 urte bitartekoek, bi itzuli egin beharko dizkiote zehaztutako ibilbidera, 650 metro guztira.
Bestalde, 14 urtetik gorakoentzako ibilbide luzeak lau itzuli izango ditu, 1.250 metroko ibilbidea izango da eta Armintzako herrigunetik joango da: hondartza zeharkatu arte Armintzekalde kaletik; 5 kilometro guztira.
Hala, Lemoizko Udalak herritarrak animatu gura ditu jai-giroaz gozatzera eta bakarka, familian edo kuadrillagaz parte hartzera. Mozorrotuta joan daitezke parte-hartzaileak eta amaieran txokolatada herrikoia egongo da.
