Lemoizko Udalak lan saio bat antolatu du bariku honetarako, urtarrilak 26, euskarak udalerrian eta eskualdean bizi duen egoerari buruz hausnartzeko eta lan ildo berriak zehazteko. Armintzako Kultur Etxean 18:00etatik aurrera egingo den topaketa hau herriko herritar eta eragileentzat zabalik dago euskararen egungo egoera aztertu, ekintza eta ekimen bateratuak proposatu eta denen artean hizkuntzaren egoera hobetzea lortzeko ibilbide-orri bat zehazteko helburuagaz.
Euskararen sustapena da Lemoizko Udaleko ildo estrategikoetako bat, eta, horregatik, erakundeak, eragile zein herritarrak animatu gura ditu gogoeta egiteko, baita lankidetza ariketa honetara joan eta parte har dezaten ere. Modu horretan, toki-mailan eta eskualde-mailan arlo horretan dituzten erronkak hobeto ezagutzeko eta, horrela, aurre egin beharreko etorkizuneko lan-ildoak zehaztu ahal izateko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!