Eskura Lemoiz jarri du abian Udalak, herritarrei sakelako telefonoaren bidez informazioa emateko zerbitzua

Nahia Martinez Gondra 2024ko ots. 13a, 10:49
Lemoizko informazioak mugikorrean jaso ahalko dituzte herritarrek.

Whatsapp eta Telegram bidez herritarrei udalerriko gaurkotasunaren berri emateko zerbitzua da Eskura Lemoiz. Helburua da herritarrek telefono mugikorretik zuzenean Lemoizko gaurkotasunari lotutako informazioa jaso ahal izatea: kirol edo bestelako ekitaldiei buruz, kultur agendari buruz edo abisuei buruz, besteak beste.

Eskura Lemoizen helburua, izenak berak dioen bezala, lemoiztarrei interesatzen zaien informazio guztia eskura jartzea da, klik bakar batean. Zerbitzua jasotzeko, urrats hauek egin behar dira:

  1. Android gailuen kasuan, Play Store-n eskuragarri dauden Whatsapp edo Telegrameko aplikazioak deskargatzea. Iphonerako berriz, App Store deritzona.
  2. Esteka honetara sartu:
  3. Markatu "harpidetu" edo "batu kanalarekin" aukera.
  4. Jakinarazpenak aktibatu kanpaiaren sinboloa sakatuz.

Urrats horiek egin ondoren, Lemoizko Udalak ematen dituen informazioak telefono mugikorrean jasotzen hasiko dituzte herritarrek. Hala, argitu dute ez dela Udalagaz  harremanetan jartzeko zerbitzu bat, komunikazioa norabide bakarrekoa izango delako; ezin zaie iristen diren edukiei erantzun. Udalagaz harremanetan jarri nahi izanez gero, ohiko bideak mantenduko dira, hala nola telefonoa, aurrez aurreko arreta eta sare sozialak.

Jendartea Lemoiz
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun