Irudienea euskaltzaleen topaguneak bultzatutako ekimena da, TOKIKOM-en, hiru foru aldundien eta EHUko Mikel Laboa katedraren laguntzagaz. Aurtengoa 21. urtea da, eta bertan euskaraz ekoitzitako eta Euskal Herri osoko udalerrietan proiektatzen diren iraupen laburreko ikus-entzunezko piezak hautatzen dira. Laburbiraren helburua bikoitza da: alde batetik, zinemagileei beren lanak erakusteko aukera eman nahi die askotariko estiloen erakusketagaz, eta, bestetik, euskaraz sortutako film laburrak ezagutarazi nahi dizkie herritarrei.
Hauek dira bertaratutakoek ikusi ahal izango dituzten ikus-entzunezko ekoizpenak: Dena asmatuta dago (Jone Arriola), Katalinaren Zoria (Guillermo Ordas), Erro (Amaia Lejarreta), Babesa (Ander Iruretagoyena), Mundu Berri Bat (Mikel Alvarez), Zirrara (Ane Cuesta), Talkak (Ilune Diaz eta Jordi Nuet) eta Betizu Buru (Kim Maiteny Munoa).
