Josu Martinez euskal zuzendariaren Bizkarsoro filma proiektatuko dute Armintzako kultur etxean. Maiatzaren 17an, barikuan, izango da, 19:00etatik aurrera, doako sarreragaz. Filma euskaraz eskainiko da, gaztelaniazko azpitituluakaz.
Existitzen ez den baina aldi berean Euskal Herriko edozein herritan oinarrituta egon litekeen Ipar Euskal Herriko herri bati buruzko fikziozko film luzea da Bizkarsoro. Filma 1914 eta 1982 artean gertatzen diren bost istoriok osatzen dute. Ahozko testigantzetan eta testu idatzietan oinarritutako fikziozko bost istorio dira, eta hizkuntza baten sustraitzea, horretara hurbiltzea eta bizirik irauteko borroka erakusten dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!