Zapatu honetan, maiatzaren 25ean, nazioarteko erresistentzia proba berezia egingo dute Lemoizen, 24 orduko iraupena duena: 24H Ultracycling - Erresistentziaren Komunitatea. Guztira 24 itzuli emango zaizkio 21 kilometroko luzera eta 400 metrotik gorako desnibel metatua duen zirkuituari. Finisher izatea lortzen dutenek, hau da, proba osatzea lortzen dutenek, 500 kilometro baino gehiago egingo dituzte eta 11.000 metroko desnibel metatua gainditu behar izango dute.
Ibilbide zirkular honen irteera eta helmuga Urizarren egongo dira, udaletxe ondoan. Proba zapatuko eguerdiko 12:00etan hasiko da, baina hurrengo eguneko 12:00ak aldera amaituko da, 24 ordu pasa eta gero.
Kirol-probaren sailkapena 24 itzuliak igaro ondoren zehaztuko da; izan ere, erronka hori gainditzea lortzen duten kirolariek beste itzuli batean jokatuko dute probako garaipena. Beraz, aurreko itzuli bakoitzean egindako denborak ez du izango ondorio praktikorik sailkapenean, baina itzuli bakoitza ezarritako denboran amaitu beharko da parte hartzen jarraitzeko. Hori bai, bira bakoitzeko soberako denbora oso garrantzitsua izango da hurrengo irteera baino lehen atseden hartu ahal izateko.
Ibilbideari, probaren funtzionamenduari eta 24H Ultracyclingaren hornidurari buruzko informazio guztia webgune honetan dago.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
