Guztira, 50 plaza eskainiko dira 2012ko urtarrilaren 1etik 2021eko abenduaren 31ra bitartean jaiotako haurrentzat. Hauek Lemoizko udalerrian erroldatuta egon beharko dira edo Lemoizko eskolako ikasleak izan. Udalekuetako parte-hartzaileak hiru taldetan banatuko dira: 3-5 urte, 6-9 urte eta 10-12 urte. Guztira dauden 50 plazak talde hauen artean banatuko dira.
Eskabideak eskainitako plazak baino gehiago badira, zozketa publikoa egingo da azaroaren 12an, martitzenean, eta izena eman duten pertsona guztiei jakinaraziko zaie emaitza. Zozketaren ondorioz umeren bat kanpoan geldituz gero, ordaindutakoa bueltatuko zaio. Izena emateko unean ordaindu beharko da zerbitzua. Hauek dira 2024ko negulekuetarako kuotak:
• Plaza arrunta: 60 euro.
• Familia ugaria: 40 euro.
• Oinarrizko errenta jasotzen duena: 20 euro.
Kuotaren zenbatekoa itzuliko da, baldin eta eskabidea zozketaren emaitzagatik edo aldez aurreko onarpen-baldintzak ez betetzeagatik baztertzen bada. Azaroaren 8ra arte, barikua, luzatuko da izena emateko epea. Armintzako kultur etxean egin ahal izango da, eskarirako inprimakia osatuz, zerbitzua ordainduz eta eskatutako dokumentazioa aurkeztuz: osasun txartela, eta familia ugarien edo diru-sarrerak bermatzeko errenta jasotzen dutenen kasuan, dagokien ziurtagiria.
